Nigeria kalaallinut unammissaaq
Klubbimeersut aammalu assammik arsarnermi nunanut allanut unammisartut Nigeria-meersut oktoberimi Nuummut tikissapput nunanut allanut unammisartutsinnut klubbinullu arlalinnut unammissallutik.
Assammik arsarnermi Herre Cup nunami allamiunit peqataaffigineqartussanngorpoq klubbi aamma nunanut allanut unammisartut Nigeria-meersut peqataanialermata unamminerit Nuummi oktoberimi ingerlanneqalerpata.
– Maanna Nigeria-miunit nalunaarfigineqarpugut uppersaraat Herre Cup-imi ilaanissartik, taama oqarpoq Finn Nielsen Herre Cup-imik aaqqissuisuniit.
Herre Cup-imi aamma peqataassapput kalaallit nunanut allanut unammisartui tassani peqataassallutik Danmark-imi Håndboldliga-mi unammisartut Angutimmarik Kreutzmann, Aqqaluk Sørensen aamma Jakob Larsen.
– Nuna tamakkerlugu sungiusaasup maanna misissorpaa klubbit assigiinngitsut unamminissanut pilersaarutaat Herre Cup-imut unammeqataasussanik tamakkiisumik toqqaatigani, taama Finn Nielsen oqarpoq.
Allat peqataasussat tassaapput Nagdlúnguak Ilulissaniik, SAK Sisimiuniik kiisalu NÛK aamma GSS tamarmik Nuummeersut. Unamminerit oktoberip naalernerani ingerlanneqassapput.
Herre Cup pillugu annerusumik atuarsinnaavutit Sermitsiami tallimanngornermi saqqummersumi.