Nivissat isikkamik arsaattartut ujaminnanngillat
Tallimanngorpat nukappissani holdit marluusut isikkamik arsaalluni semifinalimi unammissapput, ukioq mannali nivissat nr. 5-itut inissinnertik naammagisariaqarpaat. Timersuutini taakkunani inernerit takukkit.
Nivissat isikkamik arsaattartut sisamanngormat Albertamut aalajangiisuusumik unammipput, 0-4-millu ajorsarput. Unamminerit taama inerneqarneranni nivissat isikkamik arsaattartut nr. 5-itut inissipput.
Juniorit nukarliit angajulliillu isimmamik arsaannermi semifinalimut piareerput.
Juniorit angajulliit Yukon unammissavaat, aallarniutaasumik unaminerni 1-4-mik ajorsarfigisartik. Juniorit nukarliit, Yamalimut 1-0-imut ajugaasut Yukon semifinalimi unammissavaat, unammiuaarnerit aallartinneranni 3-2-mik ajugaaffigisatik.
Freestyle aamma snowboard
Sisamanngormat freestilemi sølvinnattoqarpoq, unammeriaatsimi 'big air'-mi unammisoqarmat. Emil B. Olsen sølvinnapput, Malik Berthelsenili nr. 8-ngortoq Bastian Nystrupilu nr. 10.
Snowboardertartoq Mikkel Olsenip Kalaallit Nunaat aamma sølvinatsippaa boardercrossimi unamminermi, Sunavana F. Berthelsen nr. 7-ivut inissittoq.
Alpininik sisorarneq
Alpinerluni sisorarnermi parallel slalomertoqarpoq, tassani Aqqalunnguaq Lyberth kalaallinit siuttuullluni juniorini angajullerni nr. 4-tu tinssilluni, Mark Mølgaard nr. 5-itut inissittoq.
Juniorerini nukarlerni Aqqalo O. Petersen nr. 5-inngorpoq. Benjamin Hammeken nr. 6-itut inissippoq. Taamaalilluni nivissani aamma Nuuno C. Berthelsen parallelslalomimi nr. 5-itut inissippoq.
Nerrivimmi arsaararneq
Sisamanngormat nerrivimmi arsaararnermi mixdoublemi gultinnattoqarpoq, Maren Jensenip aamma Sivert Olsenip Alberta juniorini nukarlerni ajugaaffigalugu. Juniorit angajulliit Abelone Petersen aamma Liilu Kleist bronzennapput, aamma taamatut Maalianna Wille aamma Karl Gaba Wille.
Ujakkaarneq
Ujakkaartartut kingumut ujaminnanngillat, sisamanngormat unammisoqarmat. Juniorini nukarlerni Angutitsiaq Lynge nr. 7-inngorpoq. Johannes Olsvig nr. 11-tut inissittoq, Aqqalu Sandgreen nr. 14-ulluni Malik Kristensenilu nr. 20-ngorluni, 7,5 kilometerinik arpaliuttoqarmat.
Nivissani juniorit nukarliit aamma 7,5 kilometerimik arpaliupput, Amalie Borup nr. 11.tut inissilluni, Camilla L. Hansen nr. 14-itut, Navarana Davidsen nr. 20.ulluni kiisalu Pipaluk Kristensen nr. 21-tut inissilluni.
Nukappissat juniorit angajulliit 10 kilometerput, Aqqalooraq Petersen nr. 11-inngorlunikiisalu Angutinnguaq Olsen nr. 13.
Nivissani juniorit angajulliit aamma 10 kilometererput, tassani Nadia Olsen nr. 11-ngorluni, Ajaaja Sandgreen nr. 15 aamma Malu Olsen nr 16.