Arsaannermi GM
NÛK GM-mi aaqqissuisuussaaq
Arsaannermi aappaagu pissartanngorniunnissanik aaqqissuisussat toqqartorneqarput
Angutit arsaallutik pissartanngorniunnerat 2014-mi Nuummi pissaaq. Kalaallit Nunaanni arsaattartut kattuffiat taama aalajangerpoq. Arnat pissartanngorniunnissaannut illullu iluani pissartanngorniunnissanut aaqqissuisussat aamma toqqarneqarput.
Atuaruk: Arsaanneq: Kikkut GM-mik aaqqissuissappat
Angutit Qaqortumi pissartanngorniunneranni bronzennattut NÛK aappaagu pissartanngorniunnissanut toqqaannartumik anngupput. Tamanna pivoq timersoqatigiiffik ukiunik 80-nngortorsiornissaminut atatillugu pissartanngorniunnernik aaqqissuisussatut toqqarneqarmat.
Arnat silami pissartanngorniunnerat Sisimiuni pissaaq S-68 aaqqissuisoralugu taakkulu aamma toqqaannartumik anngupput.
Angutit inuusuttut pissartanngorniunnissaat Uummannami pissaaq FC Malamuk aaqqissuisoralugu.
Illup iluani GM
Illup iluani arsaannermi pissartanngorniunnissanik aaqqissuisussat aamma toqqarneqarput. Arnat U-18-it Ilulissani pissartanngorniutissapput ukiormanna novemberip arfineq pingajuaniik qulingata tungaanu I-69 aaqqissuisoralugu. Periarfissaq iluatsillugu aappaagu Arctic Winter Gameseqarnissaanut arsaattussatut piukkunnarsinnaasunik qinaasisoqassaaq.
Angutit illup iluani 2014-mi pissartanngorniunnissaat Maniitsumi pissaaq Kâgssagssuk aaqqissuisoralugu, arnallu pissartanngorniunnerat Ilulissani pissaaq I-69 aaqqissuisoralugu.
Pissartanngorniunnissat ulluni sorlerni pinissaat kingusinnerusukkut GBU-mit nalunaarutigineqarumaarput.