NS-84 danskit pissartanngorniutsitsineranni peqataatitaqalersoq

NS-84-imi alpinimik sisorartartut aqqaneq-marluk arfininngormat aallarput. Alpinimik sisorartartut Danmarkip pissartanngorniutsitsinerani Norgemi Trysilimi ingerlanneqartussami peqataassapput. Unamminerit 25. martsimiit 27. marts ilanngullugu ingerlanneqassasut, Dansk Skiforbundip ilisimatitsissutigaa.

Nuummiit ukioqatigiiaanni peqataasussat:

• Norsaq Reimer nukappiaqqani arfineq-pingasunik ukiulinni.
• Nivikka Hansen niviarsiaqqani qulinik ukiulinni.
• Mala Noahsen, Ulloriaq Berthelsen, Qillaq Wallbohn aamma Inuk Heilmann nukappiaqqani qulinik ukiulinni peqataassapput.
• Malu K. Petersen niviarsiaqqani aqqaneq-marlunni ukiulinni.
• Aputsiaq Hansen nukappiaqqani aqqaneq-marlunni ukiulinni.

Angajoqqaat aallaqataasut, pissartanngorniunnerni aamma peqataasussat:

Nivikkannguaq Reimer, arnani 31-t sinnerlugit ukiulinni peqataassaaq. Ilasiaq Heilmann aamma Johan Frederik Lennert angutini 31-t sinnerlugit ukiulinni peqataassaaq. Charlotte K. Pedersenilu arnani 46-t sinnerlugit ukiulinni peqataassalluni.

Peqatigiiffimmi siulittaasoq Jens Kr. Berthelsen sungiusaasoq, ikiortigalugu Hans Noahsen.

Angajoqqaat angalanermi peqataasut tassaapput Pilu Noahsen, Brian Wallbohn aamma Aage Hansen.