Nuuk
Nukappiaqqat U14-it futsalimi unammilersut
Futsalimik nukappiaqqat futsalimik Nuummi unamminerat illoqarfinnit assigiinngitsunut peqataaffigineqartoq, ullumi tallimanngornermi aallartissaaq
Annonse
B-67-ip aaqqissugaanik nukappiaqqat isikkamik arsaannermik futsalimi unammissapput, taannalu illoqarfinnit assigiinngitsunit peqataaffigineqassaaq.
Unamminerit tallimanngornermi aallartinneqassapput, sapaatiuppat naammassissalutik.
B-67 saniatigut uku peqataassapput: IT-79 Nuuk, Nagdlúnguak Ilulissat, S-68 Sisimiut, K-33 Qaqortoq kiisalu N-85 Narsaq.
- GSS-ip ajugaanissaa ilimanarsinnaavoq, Nuummi pissartanngorniunnermi ajugaasuupput. Qaqortormiut Iluliarmiullu aamma arsaatillaqqipput, B-67-imit Finn Meinel ilisimatitsivoq.
Puljet marlunngorlugit unammisussat avinneqarput, timersoqatigiiffiillu ilaat marlunnik peqataatitaqarlutik.
Inussivimmi unamminerit ingerlanneqassapput.
Unammineq Sermitsiaq.AG-mit malinnaaffigineqassaaq.