Nunaannakkut arpalluni Nuummut
Rekortiliisimasup Kim Godtfredsenip siorna Kangu-Nu Running Racemi ajugaasimasoq Jens Bjerge unammillerpaa.
Kalaallit Nunaanni arpaliunnerit sakkortunersaat Kang-Nu Running Race aqagu arfininngornermi ingerlanneqalerpat sakkortuumik normu 1-iuniuttoqassaaq.
Siorna ajugaasimasoq Jens Bjerge 2005-imi ajugaasimasumit Kim Godtfredsenimit unammillerneqassaaq.
Jens Bjerge siorna Kangerluarsunnguup qinnguaniit nalunaaquttat akunneri sisamat minutsillu 16-it atorlugit Nuummut arpassimavoq.
– Suup inuit arfininngornermi ullaap tungaani nunaannakkut 35 kilometerinut arpakkumallersittartai?
– Uanga arpaliunneq taanna Nuuk Maratonimut augustip arfineq pingajuanni pisussamut sungiusaatigissavara, Kim Godtfredsen Sermitsiamut oqarpoq.
– Arpannerlu taanna soqutiginartuusarpoq tassani Nuummi aqqusinernit asfaltilinniit aqinnerusukkut arpaliuttaratta.
Sermitsiaq nr. 39 atuaruk.