Nunani allani misileerusuppoq
Minik Dahl Høegh Danmarkimi FHK Elitemi assammik arsartartuuvoq, siunissamili nunani allani unammisartuuneq misilikkusuppaa. Sermitsiaq atuaruk.
24-nik ukiullip Minik Dahl Høeghip eqqarsaatigisarpaa siunissami Spaniami, Frankrigimi imaluunniit Tysklandimi arsartalersinnaassalluni. Misigerusuppaami nunani allani arsartarneq qanoq ittuunersoq.
– Timersorneq piinnanngikkaluarlugu nunani allani misileerusuppunga, oqaatsinimmi allanik aamma ilinniarusukkama, Minik Dahl Høegh Sermitsiamut oqarpoq.
Timersoqatigiiffik FHK Elite ukioq arsaaffiusoq naammassippat 1. divisionimut appariannginnissaa anguniarlugu unammisaqattaartussaapput, tassani 1.divisionimi pikkorinnerit unammisussaallugit.
– Ilimagilluinnarpara 1. divisionimut nakkassanata. 1. divisionimut nakkassagaluarutta allamik klubbimik ujarlilissaanga, 1. divisionimi pikkorissusaat annikigivallaarpara, Minik Dahl Høegh oqarpoq.
Sermitsiaq nr. 12 atuaruk. . .