Nunanut allanut unammisartut Aalborgimut ajorsarput
Angutit kalaallit assammik arsarlutik nunanut allanut unammisartut ataasinngormat unnukkut Aalborgimi katersuupput, 1. divisionimiittunik Aalborg HK-mik sungiusaqateqarlutik.
Sungiusaqatigiinnermut atatillugu angutit nunanut allanut unammisartut Aalborg HK-mut 2x25 minutsinik unammipput, tassanilu Aalborg 25 - 21-mik ajugaavoq.
Sungiusaasup Jacob Andreassenip sungiusaqatigiinnerup ingerlanera iluarisimaarpaa, ingammillu unammeqatigiit tunniussimanerat, tassaammatami annerusumik inuusuttut qallunaat klubbiini unammisartut.
Sungiusarnermi unammisartut 17-it peqataapput, marlunngornermilu suli marluk takkutissapput.
Marlunngorpat unnukkut nalunaaqutaq 19.30 Aab unammineqassaput, taakkulu maannakkut qallunaat unammisartuini ligami nr. 4-tut inissisimapput, tassaniillutillu nunat allallit nunanut allanut unammisartui arlallit. Tassani kalaallit inuusuttut piginnaasartik misilittassavaat.
Unammineq ingerlanneqassaaq Brønderslev Hallenimi.