Nunatsinni pissartanngorniunneq: Ammaanermi ajuunnerit 25-t
Ilulissani arsaannermi angutit nunatsinni pissartanngorniutivinneranni ammaanemri 25-ersuarnik ajuuttoqarpoq
Sila nuannersutut taaneqarsinnaanngilaq Ilulissani sapaatiummat nunatsinni pissartanngorniunnerit aallartinneqarmata. Sialleqaaq nilleqalunilu. Nunatsinni ukiariartulerunarpoq.
Oqartoqarsinnaavorlu ajuunnerit imaaginnavissut. Unamminerni sisamani ajuunnerit 25-iupput. SAK Kugsak-45-lu kisimik unammeqqaarnerminni isertitaqanngillat.
Ullormi unammeqqaarfimmi aappaluttumik nittaanerit marluupput. Aappaa målit eqqaani assammik atuinermik peqquteqarpoq, aappaalu marloriarluni sungaartumik nittaavigineqareernerup kinguneraa.
Pulje 1-mi nunaqarfimmit Tasiusamiit Eqaluk-54 aallartillluarnerpaavoq. Upernavimmiit UB-83-miit 10-1-imik ajugaapput. Unitsiarnermi 4-1-mik isertitaqarput. Pikkorissutsimikkut nikingaqaat, pissanganassaarlu takussallugu ukioq manna pissartanngorniunnermi Eqaluk-54 qanoq angusaqarumaarnersoq.
Pulje 1-mi unamminerup aappaani siorna nunatsinni pissartaasut Qeqertarsuarmiit G-44 Sisimiuniit SAK-mut nalorninaatsumik 5-0-imik ajugaapput. Unitsiarnermi inissittoqareersimavoq G-44 2-0-imik siuaqqalluni.
Iluliarmiut aallartilluarput
Pulje 2-m siorna silvinnattut B-67 unammiuaarnerni aallartilluarput. Kugsak-45-mut Qasigiannguaneersunut unamminerup immikkoortuani siullermi inissittoqareerpoq. Tassani B-67 3-0-imik siuaqqavoq, 4-0-imiillu ajugaallutik, taamaalilluni siorna silvinnattut aallartilluarlutik.
Pulje 2-mi unamminerup aappaani Iluliassaniit Nagdlúnguak unammivoq. Paamiuniit Nagtoralimmut unammipput, taakkulu 4-1-mik ajugaaffigineqarput unitsiarnermi 2-1-imik siuarsimariarlutik. Arsaaffik masaqaluni erloqinaqaaq nukersornaqalunilu, aammali arsaatillaqqissuusariaqarluni.
Ataasinngornermi nunatsinni pissartanngorniutivinnerit imaapput:
Nal. 14.00: UB 83 – FC Malamuk
Nal. 16.00: B 67 – ATA
Nal. 18.00: Eqaluk 54 – G 44
Nal. 20.00: Kugsak 45 – Nagdlúnguak