Nunatsinniit Facebook atorlugu FIFA paasitinniarneqarpoq
Facebookimi qarasaasiakkut arsaattarfiliaq ilaasortaqaleriartornini ilutigalugu qorsuuneruleriartortoq. Taamaaliorluni nunatsinni suliniut nunatsinnilu isikkamik arsaanneq soqutigineqarnerulersinniarneqarpoq.
Arsaattarfimmik angissutimigut naleqquttumik peqannginneq peqqutigalugu kalaallit maannamut nunarsuarmi arsaattartut kattuffiannut ilaasortaalersinnaanngillat. Ilaasortanngorsinnaanerlu anguniarlugu FIFA paasitinniarlugu immikkut ittumik iliuuseqartoqarpoq.
Taama allappoqTipsbladet.
Sapaatip akunnerani tullermi FIFAp præsidentia Sepp Blatter nunatsinnut tikeraartoqassaaq ilaatigut Qaqortumi arsaattarfissuaq nutaaq takuniarlugu. Tassaneereerunik Nuummukassapput tassani saqqummiivigineqassallutik qulisamik arsaaffissualiassatut siunnersuummik nunat tamalaat unammiffigisinnaasaattut naatsorsuussamik. Taanna nunatta FIFA-mut ilaasornanngorniarneranut billetiusinnaalluarpoq. Nunatsinnilu arsaannermut suliniutit FIFA-mit akuerineqarpata, 2014-imi Brasiliami VM-imut anngunniarnermi peqataassapput, tamannami aamma nunatsinni suliniuteqarnermi anguniagaavoq.
Maannamut nunatsinni Facebookimi arsaattarfik 536-inik nuannerinnitteqarpoq.
Sepp Blatter Narsarsuakkoorluni Qaqortumut tikissaaq ataasinngorneq septemberip 13-iat tassani Qaqortumi ivigaaraasanik arsaattarfik atoqqaarfissiussallugu. Marlunngorneq septemberip 14-iat Nuummut ingerlaqqissapput ullorlu taanna Ilulissanut ingerlaqqissapput. Pingasunngorneq septemberip 15-iat sermersuarmut takornariartinneqassaaq ullorlu taanna Savalimmiunut ingerlaqissalluni.
Qulisamik arsaaffissualiorniarnermut tunngasut Sermitsiaq normu 36-mi annerusumik atuarsinnaavatit.