Nuummi angut nukittunerpaaq toqqarneqassaaq

Sapaatip akunnerata naanerani Nuummi Fit & Fun unammisitsiniarpoq, Nuummi angut nukittunerpaaq toqqarneqassalluni.

Aputsiaq Fleischer Høy siorna lastbilinik kalittoq. Siorna Nuummi nukittunerpaanngorpoq, tamannali ukioq manna attatiinnarniarpaa. Assi: John Jakobsen

netredaktion (netredaktion@sermitsiaq.ag)

Published 9 September 2010 - 03:26

Annonse

Ukiut arfineq aappassaani Nuummi angut nukittunerpaaq unammissutigineqassaaq. Tamanna pisaaq arfininngornermi septembarip 11-ani Fit & Funimi nalunaaqutaq 13.00 Aamma timigissartarfik sapaatip akunnerata naanerani tamanut ammassaaq, tassalu akeqanngitsumik, gif.gl allappoq.

- Inuit atortuutitsinnik misileerusukkunik takanna. Tassaasinnaavoq tilluunneq, spinning, aerobics, zumba, yoga, fitneqq imaluunnit atortut allat, AllanJuhl oqarpoq.

Siornatuut nukittuneqqusaannermi silami lastbiilinik kalittoqassaaq, kingornali illup iluani kivittaarisoqarluni. Ilagimmat qivittaarineq aamma silamiissaaq. Maannamut inuit qulit peqataaniarlutik nalunaarsimapput.

timersoneq