Nuummi apummik sammisaqartitsineq
Snowboard / Freestyleski klubbip "Snowball"-ip Nuup Arsaattarfiani aaqqissuunniarpaa "City SnowEVENT 09", tassani kikkut tamarmik ukiuunerani timersuutinik soqutiginnittut, nuannersumik unnussiuaaqatigiissinnaallutik.
Snowboard / Freestyleski klubbip "Snowball"-ip "City SnowEVENT 09"-mi takutinniarpaa piffisami sivikitsumi, aammalu Nuummi Sisorarfiit ukiuuneranilu tmersuutinut klubbit pitsaasumik suleqatigalugit illoqarfimmi innuttaasunut apummik nuannarisalinnut unammilligassanik nutaanik nuannersunik allaanerusunillu pilersitsisoqarsinnaasoq.
– Neriuppugut Nuummiorpssuit TV-mi X-factor tunulliutissagaat taarsiulllugulu tallimanngornermi unnuk silamiillutik atussagaat, Nuup Arsaattarfiani inuppassuit nuannaartut ilagalugit, silaannarissarlutik APUMMULLU tunngasorpassuarnik sammisaqarlutik, sammisaqartitsinermik aaqqissuussisut ilaat Jens Olsen, Snowball-imi siulittaasuusoq, oqarpoq.
Klubbit, sammisaqartitsinermi peqataasut, klubbiminni namminneq aaliikkutassanik aaqqissuussissapput, Jens Olsenillu neriorsuutigaa sammisaqartitsineq peqataasunut piuminartuussasoq isumannaatsuunerlu pitsaalluinnartuussasoq.
Aaqqissuussineq, tallimanngornermi Januarip 16-ianni unnukkut naluaaqutaq 19:00-imiit 23:00-imut ingerlanneqartussaq makkua qanimut suleqatigiillutik ingerlatissavaat:
Skiliften / Sisorarfiit
Snescooterertartut klubbiat/ Qarmutit
Ujakkaartartut klubbiat/ NUP
Nuummi Inuusuttut Siuarsartut/NUIF
Nuuk FM Sammisaqartitsinermit toqqaannartumik aallakaatitsissaaq.
Sammisaqartitsinerup saniatigut aamma atornikunik/tuniniakkanik taarseeqatigiittoqassaaq, illoqarfimmi innuttaasut ukiumi timersuutinik atortunik tuniniaasinnaallutik pisisinnaallutilluunniit.