Nuummi illerngit sioraannaat
Silamiikkumatooq Kim Godtfredsen sisorarfimminik sioraannaasumik qatsussivoq
Timersortartup ilisarisimaneqarluartup Kim Godtfredsenip Nuummi sisoraatinik oqilaniuttut ingerlaartarfii qatsutiivippai. Qatsuppai pissutigalugu, illerngit ipermik ulikkaarmata. Taassuma pingaartumik Betoncentralen ingerlaartarfiup eqqaaniittoq assuaraa.
- Sisoraatinik oqilaniutinik silamiinnissamillu nuannarisaqarluartutut ukiuni 23-ni tamaginni aqqusinermi angallannerup, Betoncentralip, illoqarfiup ineriartornerata minnerunngitsumillu silap pissusaata sisorarfitsinnik asasatsinnik qanoq allanngortitsiginera malinnaaffigaara. Silap pissusaata allanngornera qanoq iliuuseqarfigisinnaanngilarput kisianni Betoncentrali aamma aqqusinermi angallanneq qanoq iliuuseqarfigisinnaavagut, sisoraatit illernginut sunniutai pillugit. Ajornarpasittorujussuuvorli, Kim Godtfredsen oqarpoq.
- Februaarip aappaani illerngit sussaanngillat. Sisoraatit illerngisa 60 procentii pujoralammik sioqqanillu Betoncentralemeersunik qalligaapput. Illerngit aqqusernut qaninnerit aamma tamarmik taamaapput. Illoqarfiup ineriartornerata nassaataanik biilillu illinernut ajoqqutaanerujussuat pissutigalugu piffissami qaninnermi qanoq iliuuseqartoqartariaqarpoq.
- Taamaattumik neriuppunga ukioq sisorarfiusoq naatinnagu peqatigiiffiit soqutigisaqaqatigiiffiillu kommunimit aggersarneqassasut. Ataatsimiititsineq Sisorarfinni ingerlanneqarluarsinnaavoq isumassarsiat anguniagassaasinnaasullu kikkunnit tamanit nuannaarutaallutik oqaluuserineqarniassapput, Kim Godtfredsen oqarpoq.