Nuunu sisorarluni sangusaarnermi nunarsuarmi pissartanngorniunnermi 36-tut inissippoq
Sangusaartartup unamminerup sinnera qilanaaraa.
Annonse
Nuunu Chemnitz Berthelsen sangusaarluni nunarsuarmi pissartanngorniunnermi Norgemi Åremi ingerlanneqartumi normu 36-tut inissippoq.
Sisorarnerni marlunni ingerlatamini piffissaq katillugu 2:18.00 atorpaa. Taamaasilluni ajugaasumit Mikaela Shiffrinimit USA-meersumit 20.95-mik kingulliuvoq.
Sisorartartoq 22-nik ukiulik unamminerni tullerni pitsaanerunissaminik anguniagaqarpoq.
- Sangusaarluni nunarsuarmi pissartanngorniunnermi ullumi normu 36. Pitsanngornerusariaqarpunga, nuanneqaarli, facebookimini allappoq.
- Piffissap sisorarfiusussap sinnera qilanaaraara.