Peqatigiiffimmi siulittaasoq: Atugassarititat pitsaanngippata periarfissat sapaginneqassapput
Kalaallit Nunaanni peqatigiiffiit aningaasaqarnikkut tapersersorneqarnerusariaqarput, suliat unittuunnginnissaat pillugu. Peqatigiiffimmi siulittaasoq taama isumaqarpoq.
Timersoqatigiiffiit meeqqat inersimasullu attaveqatigiinnerannut pilersitsisarput, taamaalillunilu innuttaasut peqqinnarnerusumik inuuneqalernissaannut sinaakkutissaqalersitsillutik.
Taamaakkaluartoq peqatigiiffiup siulittaasuata ilisarisinnaavaa Kalaallit Nunaanni peqatigiiffiit ilungersorlutik suliniuteqartunit taamaallaat ingerlanneqaraangata sanngiitsutut isikkoqarsinnaasut. Suliaqartut unippata allamulluunniit nuukkaangata peqatigiiffik unittuuissinnaasarpoq.
Timersortartut peqatigiiffiinili atorfillit atorfissaqartinneqartut kisimik amigaataanngillat, soorlu IT-79-imi siulersuisuni siulittaasoq taama isumaqarpoq:
- Meeqqanut inuusuttunullu pinaveersaartitsineq annertooq, ikinngutigiinnermik inuunerissaanermilu toqqammavileeqataasartoq maanna sapanginneqalersinnaanera kinguaariinnut kingunerluuteqalersinnaanera ernumanarpoq, IT-79 Nuup siulittaasua Peri Fleischer oqarpoq.
Aningaasatigut tapersersorneqarneq ajorput
Peri Fleischerip timersoqatigiiffiit aningaasatigut tapersersorneqarnissaannut periarfissat pitsaanerusut ujartorpai. IT-79 ukiuni kingullerni ineriartorluarpoq ilaasortarpassuaqalerlunilu. Najukkami timersoqatigiiffik anginerulerami aningaasartuutit aamma amerlipput. Aningaasanik katersuiniarneq ajornakusoorsinnaasarpoq, meeqqallu arlallit pissakinnerusuneersut aamma ilaasortarineqarput, siulittaasoq ilisimatitsivoq.
Taanna oqarpoq meeqqat amerlanerusut, angerlarsimaffimmi isertitat apeqqutaatinnagit, peqatigiiffimmut peqataanissamut ikinngutitaarnissamullu periarfissaqalernerat nuannaarsuusoq.
- Kommunemiit taperneqartarnerput qujanaraluaqisoq, ajortuuvoq ineriartornitsinni aningaasassaqartinnerput annikillisinneqarnera. Tamanna kingunerisinnaavaa pilersaarutit inuunerissaataallutillu pinaveersaartitsinermik aallaaveqartut, unitsiinnarneqarsinnaaneranik, Peri Fleischer oqaluttuarpoq.
Tapersersuinerusariaqarpugut
Taanna oqarpoq siulersuisut, sungiusaasut angajoqqaallu kajumissutsiminnik suliniuteqartut timersoqatigiiffimmut aningaasanik katersuiniarneq pillugu, ilaqutariinnili pissakinnerusuneersut pissartanngorniunnerit imaluunniit Nuup avataani pissartanngorniunnerit peqataaffiginissaannut periarfissaqassappata aningaasat amerlanerusut pisariaqartut.
- Kaammattuuteqarusuppunga, suliffeqarfinnut, kommuninut, naalakkersuisoqarfinnut qinikkanullu, peqatigiiffilerinermut tapersiineroqqullugit, angajoqqaat kajumissutsimilu suliaqartut annertuumik pitsaaliuinermi qimoqataapput, aningaasaliinnerilli naammanngillat, Peri Fleischer IT-79-imeersoq oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...