Pujoq nittaalaq akornutaanngillat

Grønlands Boldspil-Unionip sungiusaasut 15'it Ilulissani ilitsersorpai

Tunorlernit saamerlermit Morten Eskesen (DBU-instruktør), Charles Mølgaard (Aasiaat), Mikael B. Nathanielsen (Ilulissat), Ole Martinsen (Maniitsoq), Jimmy Jensen (Nuuk), Sakiu Lundblad (Nuuk), Finn Meinel (Nuuk), Tekle Gebrelul (Nuuk) aamma Peter Frederik Olsen (Ilulissat). Saarliit saamerlermit Henrik Olsvig (Ilulissat), Ole Brønlund (Ilulissat), Mogens Nathansen (Nuuk), Jakob Ludvigsen (Kangaatsiaq), Knud Mathiasen (Tasiilaq), Harry Enggaard (Nuuk) aamma Ole Siegstad (Kangaatsiaq). Assi: GBU

John Jakobsen

Published 14 May 2012 - 15:23

Annonse

Pujoq nittaanneralu akornutigineqanngillat arsaattartunik sungiusaasartut 15'it soqutiginnilluartut DBU-instruktør Morten Eskesen siulersortigalugu B1a-mik ilinniarneq Ilulissani ingerlammassuk.

Ilinniarnerup atuagarsornertaa Ilulissani timersortarfiup nutartikkap initaanni ingerlanneqarput, arsamik sungiusaanermik arsalerinertaa illoqarfiup arsaattarfiani sammineqarlutik.

Pikkorissartut illoqarfinnit Tasiilaq, Nuuk, Maniitsoq, Aasiaat, Kangaatsiaq aamma soorunami Ilulissanit aggerfeqarpoq. Pujornera pissutigalugu Upernavimmit peqataasussat 2011'mi peqataanngitsoornikut, kingumut Ilulissanut anngutinngitsoorput - pujornera pissutigalugu.

- Charles Mølgaard, Sakiu Lundblad aamma Jakob Ludvigsen, maanna B1'imik ilinniarneq naammassisimalerpaat taanna Danmarkimi ingerlanneqartartoq, Jens Tang Olesen oqaluttuarpoq.

timersoneq