Qallunaat qiimmattaqataapput: Nuannarilluinnarpavut
Kalaallit illersuisut unammisartullu Frederikshavnimi assammik arsarluni VM immikkuullarilluinnartuutippaat– taavalu maanna saniatigut aningaasanik kalaallinut meeqqat angerlarsimaffianniittunut tunissuteqartoqalerpoq.
![Arnat nunanut allanut unammisartut VM-imi natsanik nuersakkanik Frederikshavns Kommunemit PresidentCup sioqqullugu tunissuteqarfigineqarput. Tuniniaanermit aningaasat ilaatigut Kalaallit Nunaanni meeqqanuteqqugaaratarsinnaanerusunut tunniunneqassapput.](https://image.sermitsiaq.ag/483656.webp?imageId=483656&width=960&height=566&format=jpg)
Unammisartut qungujulasorujussuusarput, piffissalli ilaani ajuusaartorujussuupput, tassa Arena Nordimi Paraguayimut ajorsaramik. Unammineq naligiiffioqaaq. Unamminerup naammassinissaanut minutsit tallimaannanngortut Paraguay 18-17-imik siuaqqavoq, sapinngisarlu tamaat ajugaaniarlutik ilungersorput. Unammineq 21- 19-imik inerneqarpoq – VM-imilu siullerpaamik ajugaanissamut periarfissaq annaaneqarpoq.
Aviisi AG taama allappoq.
Unamminerni arfineq-marlunni isertinneqartut katinneri tassaapput 130-231, tassa unammisat Kalaallit Nunaannit 100-t sinnerlugit isertitaqarnerupput.
Stavangerimi aamma Frederikshavnimi kalaallit illersuiartortorpassuit kisimik Kalaallit Nunaat neriuuteqarfigalugulu illersunngilaat.
- Kalaallit unammisartut nuannarilluinnarpavut. Assorsuaq. Peqatigalugit inussiarnernersaapput – kalaallillu illersuiartortorpassuit peqatigalugit – Arena Nordimi nuannisartitsilluinnarput, Tove Varmløse Malmberg, VM-ip nalaani Frederikshavnimi illorsuarmi assammik arsaattarfimmi kajumissutsimik suleqataasunut ataqatigiissarisunut ilaasoq taama oqarpoq.
Aviisimi AG-mi atuarnerusinnaavutit: