Qaqortumi illoqarfimmi pissartaq nutaaq
Badmintonimi U-19-imi unammisartoq Kaali Christensen Qaqortumi illoqarfimmi pissartanngorpoq.
Qaqortumi badmintonimi kinguaat nukittuut nutaat saqqummilerput.
Taamak Julianehåb Tennisklub 1930-imeersup siulittaasua nuannaaqisoq Jørgen Kongstad oqarpoq, sapaatiummat januarip 20-iani illoqarfimmi pissartanngorniutereernerup kingorna. Klubi taamatut ateqaraluarluni badmintonertartut klubbeqaraat.
– Pikkorinnersani unamisartoq Kaali Christensen Kalaallit Nunaanni pikkorinnerpaanut ilannguteriaannaavoq. Kaali inuusuttuni U19-ini unammisartuuvoq, taamaattorli inersimasuni unammisussatut nalunaarluni perusussuseqarluarluni qularnaalluinnartumillu unamminermigut pingasoriaammik pissartanngorpoq, Jørgen Kongstad oqarpoq. Kongstad arnani inersimasuni ataasiukkaarnermi nunatsinni pissartap Mille Kongstadip ataatagaa, kalaallit nunaannilu badmintonertarneq ukiorpassuarnilu malinnaavigisimavaa.
Qaqortumi illoqarfimmi pissartanngorniunnerit inerneri uani talerpiatungaani toorsinikkut takuneqarsinnaapput. Kalaallit Nunaata kujataani nunap immikkoortuani pissartanngorniunnerit februarip 24-ianni ingerlanneqassapput.