Qeqertarsuarmi lottomi millionærinngortoq

7,8 millioner koruunit Nunatsinni eqqorneqarput. Lottomi eqqugassat avinneqarput - Århusimeersumit Nunatsinneersumillu

Sapaatip akunnerata naanerani Nunatsinni lottomi millionærinngortoqaqqippoq. Ass.: Henrik Petit

Hanne Broberg

Published 4 June 2012 - 07:16

Annonse

Iluatsitsilluartorujussuupput. Århusimi Nunatsinnilu. Arfininngormat makitsinermi eqquiniutit Lynlotto-t marluk eqquisut taakkunani pisiarineqarsimapput. Eqqugassanilu anginerni Jackpot-eqarmat eqquisut tamarmik 7.814.441 koruuninik pissarsipput.

Århusimi eqquisut pisiarineqarsimavoq SuperBest-imi, Skanderborgvej 18-24, 8000 Århus C.
Nunatsinni Pilersuisumi, Postbox 510, 3953 Qeqertarsuaq.

Nunatsinni ukioq manna millioninik eqquisut siullersaraat, Århus C- mi aappassaa millionærinngortoqartoq. Tassami aamma sap. ak. 6-imi eqquisoqarsimavoq. Taamanikkut eqqorneqartut 6 millioner koruuniullutik.

timersoneq kulturi nunatsinnit