Qiterutaat qalipaatitaarput

Taekwondo-mi misilittagartooq Karl Larsen Nanortalimmi tikeraarsimavoq qiterutitaartitsiartorluni

Assimi tunorliit saamerlermiit tassaapput: Jonas Stach, David Dorph, Karl Larsen, Kali Isaksen, Miki E. Isaksen. Saarliit saamerlermiit tassaapput: Uiloq Semsen, Ellen Semsen, Sebylle Mathiassen, Ilannguaq Simonsen og Annika Lynge. Assi: Lisbeth Petersen

Noah Mølgaard Noah Mølgaard

Published 10 April 2013 - 12:41

Annonse

Taekwondo-rtartut misilitsinnerit qiterutitaarfiusut arlallit aqqusaaqqaarlugit qernertumik qiterutitaartarput.

Nanortalimmi Taekwon-Do-rtartut qulingiluat piareersaataasumik sungiusarneq ingerlatereerpaat taamalu utoqqasaani nunanut allanut unammisartuniittareersumut Karl Larsenimut misilitsinnissamut piareersimallutik taanna ataasinngormat misilitsitsimmat.

Sungiusaasoq inassuteqartuusarpoq kikkut qiterutitaarnissamut misilitsinnissaannut ikinnerpaamik qaammatini pingasuni piareersaataasumik sungiusareernermi.

Ukua sungaartumik titarnilimmik qiterutitaarput:
Ellen Semsen, 8-nik ukiulik
Sebylle Mathiassen, 12-nik ukiulik
Miki E. Isaksen, 13-nik ukiulik
Kali Isaksen, 14-nik ukiulik

Jonas Stach 13-nik ukiulik sungaartumik qiterutitaarpoq.

Qorsummik qiterutitaartut tassaapput:
Ilannguaq Simonsen, 9-nik ukiulik
Uiloq Semsen, 11-nik ukiulik
Annika Lynge, 10-nik ukiulik
David Dorph, 13-nik ukiulik

timersoneq