Sangusaarluni pissartanngorniunneq aallartilluarpoq
Nunatsinni pissartanngorniunnerit Sisimiuni aallartimmata NS-84-ip meerartai angusarissaarput. Klubbip aaqqissuussisup SSP-p inersimasortai ingerlalluarput. Angusat takukkit.
Annonse
Sisamanngornermi illernartumi, nunatsinni pissartanngorniunnerup ulluani siullermi sangusaapiloorluni unammisoqarpoq.
Lars Lennert, SSP-meersoq angutini 26-iniit 30-inut ukiulinni kuultinnappoq, tullersortigalugu klubbeqanni Seth Ole Skifte, Mikael Olsen, aamma SSP-meersoq, bronze-nattoq.
Arnani inersimasuni peqataasut amerlavallaanngillat, tassani Navarana Lennert SSP-meersoq 21-iniit 26-inut ukiulinnut kisiartaalluni peqataalluni. Aamma arnani 31-iniit 35-inut ukiulinnut peqataasut pingasuinnaapput. Taakkua sangusaapiloorneranni Tina Broberg, DSP Qeqertarsuarmeersoq ajugaaboq, June Jensen, SSP-meersoq, tullersortigalugu.
DOWNLOADERUK: Inersimasut sangusaapiloorneranni angusat
DOWNLOAD: Meeqqat sangusaapiloorneranni angusat