Sisamat semifinale-mut piareerput
Angutit assammik arsarlutik GM-qarnerani inissilluarnerit tassaajumaarput Nagdlúnguak, SAK, NÛK aamma GSS.
Annonse
GSS Nuummeersoq pingasunngornermi ajugaarujussuaqqippoq taamalu semifinale-mut anngullutik, Nagtoralik Paamiuneersoq 46-28-mik ajorsartikkamikku. SAK Sisimiuneersoq aamma ajugaavoq Aqissiaq Maniitsumeersoq 40-24-mik ajorsartillugu. Tamatuma kinguneranik SAK aamma GSS semifinale-mut anngupput. Taakkulu imminnut sisamanngornermi unammissapput. Taanna pulje-mi ajugaanniunnerussaaq aalajangerneqassammat kikkut semifinale-mi unammissaneraat.
Nagdlúnguak ajugaarujussuaqqippoq pingasunngornermi unnukkut S-68 Sisimiuneersoq 43-25-mik ajorsartikkamikku. NÛK QNQ-mut Qaanaameersumut 50-24-mik ajugaavoq. Nagdlúnguak pulje-mi ajugaasuuvoq semifinale-mi unammissallugu SAK-p GSS-illu ajorsartuat.