KL

DK

Sisimiut

Sisimiuni aasaanerani sisorarnermik ilinniarfimmik ammaasoqarpoq

Ujakkaarnermik qanorlu sungiusartoqarsinnaaneranik peqataasut sisorartartunit ilinniartinneqartassapput

Peqataasut tujuuluaqqanik tunineqarput
Suliniummut suleqataasut, saamerlermit: Salik Olsen, Nadia Olsen, Aka Olsen aamma Pauline B. Platou
Peqataasut tujuuluaqqanik tunineqarput SSPSuliniummut suleqataasut, saamerlermit: Salik Olsen, Nadia Olsen, Aka Olsen aamma Pauline B. Platou SSPPeqataasut tujuuluaqqanik tunineqarput SSPSuliniummut suleqataasut, saamerlermit: Salik Olsen, Nadia Olsen, Aka Olsen aamma Pauline B. Platou SSPPeqataasut tujuuluaqqanik tunineqarput SSPSuliniummut suleqataasut, saamerlermit: Salik Olsen, Nadia Olsen, Aka Olsen aamma Pauline B. Platou SSP
netredaktion (netredaktion@sermitsiaq.ag)
Published

Sila aputeqanngikkaluartoq sisorarnermik sungiusarneq unitsinneqartariaqanngilaq. Sisimiuni tamanna oqariartuutigineqarpoq, aasaaneranimi sisorarnermik ilinniarfimmik ammaasoqarpoq. Meeqqat arfiniliinikuninngaanniit inersimasunut ilinniartitsinermi peqataasinnaapput.

Peqataaniarlutik allatsittut maannakkut 15-iupput, SSP-illu illuutaani pingasunngormat aallartinneqarluni. Siullermeersumik taamatut suliniuteqartoqarpoq, siunissamilu aamma atoqqinneqarnissaa naatsorsuutigineqarpoq.

Arctic Winter Gamesimut sungiusarneq
- Nunanut allanut sungiusaasoq peqatigalugu Arctic Winter Gamesimut sungiusarnertut takorloorneqarsinnaassaaq. Neriuutigaarpullu siunissami ujakkaartartunik tusaamasanik pulaartoqarsinnaassalluta, suliniuteqartoq Nadia Olsen Sermitsiaq.AG-mut oqarpoq.

Orlunaveersaarnissaq arpannerlu meeqqanut sungiusaassutigineqassaaq. Inersimasut orlunaveersaarnissamut nukkassarnermullu sungiusarneqassallutik.

Suliniut Inuunerittamit, Pisiffimmit Torrak Fashionimiillu tapersersorneqarpoq.

Sungiusartitsineq sapaatiuppat silami nereqatigiinnermik naammassineqassaaq, sulili allatsittoqarsinnaasoq oqaatigineqarpoq.

timersoneq assit nunatsinnit
Powered by Labrador CMS