Sisimiuni Arnanut Arpatsitsineq 2009
Arfininngornermi »Arnanut Arpatsitsineq 2009« illoqarfinni nunaqarfinnilu arfineq-pingasuni ingerlanneqarpoq. Arnat meeqqallu 29-t Sisimiuni peqataapput.
»Arnanut Arpatsitsineq 2009« Sisimiuni arfininngornermi ingerlanneqarpoq. Arnat meeqqallu marluniit 68-inut ukiullit arpaqataapput.
Arpatsitsinermi isorartussutsit marluk toqqarneqarsinnaapput 3 km. aammalu 5 km. 3 kilometerimut arpannermi siulliulluni apuuppoq Louise Skifte atorlugit 18,30 min. 5 kilometerimi arpannermi siulliulluni apuuppoq Unnga K. Balle 28,50 minutsit atorlugit arpattoq.
- Peqataasuni utoqqaanersaavoq 68-inik ukiulik Kirsti Thuhold. Taassuma 5 kilometerit arpappai 39 minutsit 12 sekundillu, Sisimiuni Arnanut arpatitsinermi aaqqissuisoq Nukanguak Olsen paasissutissiivoq.
Sisimiuni arpatsitsinermi sukkanerpaamik arpattunut Høka, Anuni, Butik Inuk aamma Polar Magasinet tapersersuipput. Peqataasut tamarmik eqquinissamut periarfissaqaqqullugit eqqugassat allat makitsissutigineqarput.
Arnanut Arpatsitsineq 2009/ 3 km.
Nr.1: Louise Skifte. 18 min. 30 sek.
Nr.2: Amalie Berthelsen. 23 min. 35 sek.
Nr.3: Maren Lundblad. 25 min. 03 sek.
Arnanut Arpatsitsineq 2009/ 5.km
Nr.1: Unnga K. Balle. 28 min. 50 sek.
Nr.2: Signe B. Sørensen. 30 min. 24 sek.
Nr. 3: Emilie Munkholm Hjort. 31 min. 11 sek