Siungiusaallammaat aqutsimmallaallu toqqarneqartut
Kalaalit Nunaannit Timersoqatigiit katuffiata Lena Ravn Davidsen Ilulissaneersoq Erik Jensenilu Sisimiumeersoq sungiusaallammattut aqutsillammattullu toqqarpai.
Ilulissani timersortartut peqatigiiffiani Nagdlúnguami meeqqanut sungiusagarpassuarminut inuunerinnissamik siunnersuutit pitsaasut Lene Ravn Davidsenip ingerlatittarpai. Arnani timersornermi aqutsillammattut sungiusaallammattullu toqqarneqarpoq. Tupaallatitsineq pivoq pingasunngormat ualikkut, kattuffimmi siulittaasup Nuka Kleemannip 10.000 koruunit nalinganut checki uppernarsaatitalik aggiummagu.
Toqqarneqarnini Lena Ravn Davidsenip Nuunumik taaneqartartup ukiunilu 22-ni sungiusaasartup tupaallaatigaa.
– Nuunup meeqqanut paasitittarpaa timersorneq inuunitsinni qanoq pingaartigisoq, amerlanerillu taamaalillutik timersortuaannartarput. Meeqqat siuariarnerat takuneqarsinnaasarpoq, timersornikkut inuttullu ineriartortinneqarlutik, kattuffiup siulittaasua Nuka Kleemann tusagassiutitigut nalunaarummi allappoq.
Angutini sungiusaallammattut aqutsillammattullu toqqarneqarnini aamma SAK-p arnartaasa assammik arsarnermi sungiusaasuata Erik Jensenip tupaallaatigaa. Uppernarsaat 10.000 korunnillu nalinganut checkitalik Qeqqata Kommuniani timersornermut siunnersortip Karl Kasper Olsenip tunniuppaa. Taaneqareersutut Erik Jensen SAK-p arnataanut sungiusaasuuvoq, ukiullu sisamat maliinnartut nunatsinni pissartanngortarlutik.
– Sunngiffimmi ilarujussua peqatigiiffilerinermut atortarpaa arlalippassuarnik piareersaasarluni. Peqatigiiffiup angusarissaarnissaa sulissutigiuartarpaa suliaminullu aalajaatsuullunilu ataqqineqarluni. Klubbimi piumassutsimik sulinissani ilaatigut ilaquttaminit salliutittarpaa, Nuka Kleemann allappoq.