Slettemarkikkut GM-imi peqataassanngillat
Uiloq aamma Øystein Slettemark ukioq manna ujakkaarluni nunatsinni pissartanngorniunnerni peqataassanngillat.
Aappariit Slettemark, ullumikkut Norgemi najugaqartut, aalajangerput Sisimiuni poorskimi ujakkaarluni GM-imi peqataaniaratik.
Aappariit pingasunik meeraqarput, aningaasaqarnikkullu illersorneqarsinnaasumik meeqqaminnut paarsinissamik aaqqiisinnaasimanngillat, aappariit allapput.
– Piisartanngorniunnermi peqataarusukkaluarpugut, ujakkaarnerup silarsuaani ikinngutitta naapinnissaat qilanaarisimagatsigik. Aamma qilanaarisimavarput unamminerni angusarissaarniarluta peqataasullu inuusunnerit kaammattorlugit. Ajoraluartumilli timmisartornerup akiisa tamanna unitsippaa, Uiloq aamma Øystein allapput.
Taamaattoq aappariit Arctic Circle Racemi petaanissartik naatsorsuutigaat.
– Sisimiuni inunnit qasusuitsunit inussiarnersunillu aaqqissuussami peqataanissarput qilanaarisupilussuuarput. ACR nunarsuarmi sisorarluni arpannerit sakkortunersaraat, taamaattorli kusanarnerpaalluni. Taamaattumik ukiut tamaasa peqataarusuttarpugut.
Ilaqutariit Slettemark skulle GM-mi Arctic Circle Racemilu peqataasuugunik marsip 22-aniit apriilip 13-anut aallaqqassagaluarput, taamaassappallu meeqqatik pingasut tamaasa nassarusussallugit.
– Poorski piffissat taakku akornanniippoq, pingasunillu meeraqarnerput peqqutigalugu Norgemiit nunatsinnut meeqqat tamaasa nassarutsigik aatsaat tamanna piviusunngortinneqarsinnaalluni, aappariit allapput.
Øystein Slettemark Team Grønlandimiit aningaasaliiffigineqartarpoq.