Spanskit tusagassiorfii spaniamiut finalernissaat nuannaarutigigaat

Illoqarfeqatigiit Madridimeersut Lissabonimi Champions Leaguemi finalissapput.

Angusaq angisooq, spanskit tusagassiorfiisa ilaannit ilaatigut allaaserineqarpoq, Atletico Madridip Chelseamut 1-3-mik ajugaareersullu allaaserineqarpoq.

- Atleticokkut tupinnartuliorput, illoqarfeqatigiit Europami klubbini pissartanngorniuttussanngorput, aviisi AS allappoq.

Madridip tusagassiorfiinit angusarineqartoq malunnartinneqangaatsiarpoq.

- Spaniamiunut tamanut nutaarsiassaavoq nuannersoq, El Pais allappoq, ABC ilaatigut ima allalluni:

- Timersoqatigiiffiit marluk annertuumik angusaqarput.

Champions League finali Portugalip illoqarfiisa pingaarnersaanni Lissabonimi maajip ulluisa 24-anni ingerlanneqassaaq, kingullermillu spaniamiuinnaat 2000-mi finalerput, tassani Real Madrid Valenciamut 3-0-mik ajugaammata.

Real Madridip sungiusaasuata Carlo Ancelottip illoqarfeqatimi finaleqatiginissaat qilanaaraa.

- Atleticop finalernissaa pissusissamisoorluinnarpoq, Chelseamummi unammimmata pikkorinnerupput. Madridermiut nuannaarutigaat illoqarfeqatigiit finalissammata. Oqareertoqarsinnaanngilaq kikkut ajugaanissamut ilimanaateqarnerunersut. Atletico maannakkut arsarluartorujussuupput, unamminermilu qanorluunnit pisoqarsinnaavoq, Ancelotti erseqqissaavoq.