Suliffeqarfiit arpannerat soqutigineqarluartoq
Siornamut sanilliullugu holdit peqataasut marloriaatinngungajassimapput sisamanngormat ualikkut suliffeqarfiit arpannerat ingerlanneqarmat. Angusat assillu takukkit.
Sisamanngormat unnukkut Nuummi suliffeqarfiit arpatsinneqarmata holdit peqataasut 60-iupput, arpatsitsinerlu ingerlanneqarpoq Maaji Peqqinnartuutiguk-mut atatilugu. Holdit peqataasut siornamut sanilliullugu marloriaatinngungajassimapput, siorna holdit peqataasut 33-iusimammata.
ASSIT TAKUKKIT: 27. maj 2010-mi suliffeqarfiit arpannerannit assit
Holdini amerlanerpaani angusassaq eqqarsaatigineqarpallaanngilaq, arpanneq ingerlanneqarmat suleqatinik peqataasorpassuarnillu inuttut peqatigiilluarnertut. Holdit arnaannarnik, angutaannarnik imaluunniit akulerullugit arpattoqassanerlutik namminneq aalajangertussaasimavaat.
Arpattartulli klubbiata NAAPE-p, arpannermik aaqqissuussisup, angusat nalunaarsorpai.
Arpannermi ajugaapput Team Chokkerne, tassaasut Niels Berthelsen, Henrik Motzfeldt aamma Bent Salling, 3 x 3,5 kilometerit arpassimallugit katillugit 38,26 minutsit atorlugit.
Team Nukik, tassaasut Lars Henriksen, Frank Bejstrup Sørensen aamma Jens Bjerge nr. 2-upput atorlugir 38,40 minutsit.
DOWNLOADERUK: 27. maj 2010-mi suliffeqarfiit arpanneranni angusat