TAAK-imi siulittaasoq: Politikkikkut tapersersorneqarneq amigaatigaarput
Timersornerup inerisarnissaanut politikkikkut tapersersuineq amigaatigineqarpoq. Assammi asartartut kattuffianni siulittaasoq taama oqaluttuarpoq, oqarlunilu timersornermi angusat pitsaasut pitsanngorsarnissaanut aningaasaliissutit amigaatigineqartut.
Arnat assammik arsarlutik nunanut allanut unammisartut 2023-p naalernerani VM-imut peqataammata nuna tamakkerluni illersuivoq. Unamminermili kingullermi dommeri naggammik siggareersorlu, politkkikkut tapersersuineq malunnanngilluinnarpoq.
Assammik arsarnermi VM-imut peqataareernermi timersornermi pitsanngorsaanissamut tamanna qularnartoqartitsilerpoq, assammik arsartartut kattuffianni siulittaasoq Carsten Olsen oqarpoq.
- Unammillersinnaalluassagutta timersornermut aningaasaliissutit amerlanerujussuit atortariaqarpagut, ataqatigiissumillu isiginnittariaqalissalluta. Tamanna nukiginnarpoq. Atugassarititaasut pitsanngorsarusuppagut ingerlariaqqissinnaaniarutta, taamaaliorsinnaanngikkallarpugulli 2024 aallartikkatsigu konto imaarulluinnarsimasoq. Nuna marloriarluta ataatsimoortilluinnarparput, naalli akissarsiassarput, Carsten Olsen aperivoq.
Politkkikkut sulinermi soqutiginnittoqartariaqarpoq
Carsten Olsen oqaluttuarpoq arnat nunanut allanut unammisartut VM-imi peqataareersimanerannit katersuutseqqinnissaanut aningaasassaqanngikkallartoq. Politikkikkut suliniartoqalernissaa tapersersuisoqalernissaalu taassuma ujartorpaa, timersornermi angusat pitsanngorsarnissaat anguniarlugu:
- Politikkikkut sulinermi pitsanngorsaasoqarnissaanut ukioq ataaseq marlulluunniit utaqqeqqissagutta ajorsareerpugut, VM-imullu peqataanissamut ukiut 20-t utaqqeqqittariaqassalluta, oqarpoq.
Politkkikkut tapersersuisoqarnerani atugassarititaasut avatangiisillu pitsanngorsarneqarsinnaapput, tamannalu GIF-ip nunarsuaq tamakkerlugu nuna aalanerpaatut 2030-mut anguniagaanut naapertuuppoq.
- Takorlooriarsiuk timersornermi atugassarititaasut pitsaanerpaat, meeqqanut inuusuttunullu pikkorinnerulersitsinissamut periarfissiisut. Nunarsuarmi oqaluttuarpassuaqarpoq meeqqat timersorneq aqqutigalugu pitsaanerusumik inuuneqalersimanerannik, Carsten Olsen oqarpoq.
Angutit nunanut allanut unammisartut Ikastimi katersuunnissaannut, taamatullu VM-imut anngunniunnissaanut TAAK suliaqaleruttorpoq.
Nunanut allanut unammisartut katersuutsinnerat ataaseq 120.000 koruunit missaannik akeqartarpoq. VM-imut anngunniunnernut peqataaneq ataaseq 3-500.000 koruuninik, sumut unammiarneq apeqqutaalluni, akeqarsinnaasarpoq.