Tae Kwon Do-mi GM-imi Maniitsoq ajugaavoq

Tae Kwon Do-mi pokali ingerlaartitaq maanna Maniitsup pigilivillugu tiugaa. Tamanna piviusunngorpoq Maniitsumi Tae Kwon Do-klubbi ukiut pingajussaat tulleriisiinnarlugit ataatsimut isigalugit pitsaanerpaamik angusaqartareersorlu.

Aamma ataasiakkaarluni unammisaqattaarnerni pissanganartorpaasuaqarsimavoq, tassani qernertumik qitequtilinnut 64 kilo ataallugu oqimaassusilinnut nunanut allanut unammisartoq Laurits Heilmann frikampimi finalemi klubeqatiminut Johan Peter Halsøe-mut ajorsarmat, Helge Heilmann bronzennappoq.

71 kilo ataallugu oqimaassusilinni Henrik Jørgensen Maniitsimeersoq Morten Holmimut Sisimiuneersumut ajugaavoq, søren Jakobsen Kangaamiuneersoq bronzennalluni.

Angutinnguaq Tittussen oqimaassutsimini, tassa 78 kilo ataallugit, ajugaavoq, tassani Aksel Geisler Nuummeersoq finalemi ajugaaffigalugu, Peter Petersen Qaqortumeersoq bronzennappoq.

Aamma unammisartutoqqat Christian Isaksen Qaqortumersoq Hans Frederiks Olsenilu Sisimiuneersoq finalemi unammimmata imminnut attornerit kingullerpaartaata tungaanut pissanganartorsiorfiusimavoq, tassani Christian Isaksen unammeqqereernerup pissanganarluinnartup kingorna.

Bodil Mikaelsen Qaqortumeersoq arnat finalerneranni ajugaavoq, klubeqatini Sikkersoq Abelsen ajugaaffigigamiuk.

Nunanut allanut unammisartoqatigiit Lauritz Heilmann aamma Angutinnguaq Tittussen tul-ernermi finalemi unammipput, tamatumani Lauritz Heilmannip teknikkini aqulluarnerusimallugu, arnanilu Bodil Mikaelsenip kuultinnattaani pissarsiarivaa, finalemi Dina Møller Nuummeersoq ajugaaffigigamiuk.