Taekwon Do-mik unammisartut 18-inik medaljenapput

Inuusuttut unammisartutoqqallu Taekwon-Do-mi nunarsuarmi pissartanngorniunnerat Usbekistanimi illoqarfimmi Taskentimi ingerlanneqarput 2008-mi septemberip 17-ianniit 21-iata tungaanut.

– Unammiaarnerni kingullerni, ippassaq ingerlanneqartuni, Kalaallit Nunaat kuultinnaqqippoq. Tamatumuuna frikampimi nunat unammineranni unammisartutoqqat arlaleriarlutik unammipput, naggataatigullu nuna ukioq manna unammiuaarnernik aaqqissuussisoq finalerfigalugu. Finali pissanganartorujussuuvoq naligiiginnarnerit marluullutik ataatsimillu ajugaasoqarluni. Taamaasilluni veteranit holdfrikampimi kuultinnapput, Kalaallit Nunaanni Taekwon-Do-rtartut Kattuffianniallatsi Lene Johnsen aamma nunanut allanut unammisartut sungiusaasuat Lauritz Heilmann paasissutissiipput.

– Inuusuttut specialteknikkerput, tamatumani eqaatsumik isimmitseriartassallutik - silaannarmi qaffasissumi. Sivisuumik nr. 3-tut inissisimapput, ajoraluartumilli qaangerneqarlutik. Holdfrikampimi aamma ingerlalluarpallaanngillat, unamminerminni siullermi ajoraluartumik Japanimut ajorsarlutik.

Medaljenattaat maanna imatut isikkoqarput: 2. Dan tul: Bronze, Michael Kr. Petersen. 3. Dan tul: Bronze, Karl Larsen. 5. Dan tul: Kuulti, Christian Isaksen. 5. Dan tul: Søvi, Johannes Reimer. Kisimiilluni frikamp -80 kg: Sølvi, Johannes Reimer. Kisimiilluni frikamp +80 kg: Kuulti, Christian Isaksen. Holdtul: Veteranit (Silver Class): Kuulti. Holdfrikamp (Silver Class): Kuulti. Imminut illersorneq: Veteranit (Silver Class): Bronze.

Aappaagu inersimasut VM-ernissaat oktoberimi Ruslandimi Sankt Peterburgimi ingerlanneqassaaq, tullianillu inuusuttut veteranillu VM-ernerat ingerlanneqassaaq 2010-mi Slovakiami.

Unammisartut Qaqortumeersut pingasunngorpat Kalaallit Nunaannut utissapput, sinnerilu Nuummeersut, Kangaamiuneersut Sisimiuneersullu sisamanngorpat angerlassapput, taamatut paasissutissiipput Lene Johnsen aamma Lauritz Heilmann.