Taekwon-Do-rtartoq 17-inik ukiulik kuultinnappoq
Steen Rasmussen Nuummeersoq Siberia Avannaamiut pissartanngorniunneranni kuultinik marlunnik ujaminnappoq.
17-inik ukiulik Taekwon-Do-rtartoq juniorit 75 kg tikillugit oqimaassusilinni 2.DAN-it Tul-erneranni frikamp-ernerannilu kuultinik marlunnik ujaminnappoq, nunanut allanut unammisartunut sungiusaasoq Lauritz Heilmann ilisimatitsivoq.
Steen Rasmussen januaarip qiteqqunneraniilli Siberia Avannaani sungiusarsimavoq, nunarsuarmi frikæmperit pikkorinnersaasa ilaanni Yurikov Konstantinimi, taanna frikampimi Europami nunarsuarmilu pisartaanikuusimavoq.
Steen pissartanngorniunnerni Kalaallit Nunaat sinnerlugu peqataanissamut periarfissinneqarsimavoq, Yurikov Konstantinip klubbia Novo pissartanngorniunnissamut anngummat.
- Steen kuultinnannissaminut russimut sakkortuumut assut ilungersoqqaarluni angusinnaasimavaa, Lauritz Heilmann allappoq.
Steenip Siberiap Avannaanni sungiusarnini marsip naanerata tungaanut ingerlatiinnassavaa. Taekwon-Do-mi kalaallit nunanut allanut unammisartut Nuummi apriilip 3-aniit 14-iata tungaanut sungiusassapput, europami pissartanngorniunnissat Sloveniami maajip 12-ianiit 17-iata tungaanut ingerlanneqartussat sioqqullugit.