Tele-Post aningaaserivittut suliani unitsippai
Pilersuisup illoqarfinni mikinerni qulingiluani aningaaseriveqarnermik sullissineq tigussavaa. Sulissinermik nikisitsinerup kingorna Tele-Post sulisuminik soraarsitsissaaq.
Tele-Post aningaaseriveqarnermik sullissinerminik Nanortalimmi, Narsami, Paamiuni, Aasianni, Qeqertarsuarni, Qasigiannguani, Uummannami, Upernavimmi aammalu Tasiilami suliarinnittussarsiuussivoq, aningaasarsiutigalugu aningaaseriviit immikkoortortaqarfeqarfiginngisaanni.
Maanna suliamik nangitsisussanngorpoq Pilersuisoq taassumalu aningaaseriveqarnermik sullissineq 2010-mi juulip aallaqqaataanit tigussagaa, TelePost nalunaarpoq.
Suliamik tigumminnikkunnaarnermut tunngaviuvoq allakkat ukiuni kingullerni ikilinerujussuat soorlu aamma allakkerivikkut akiliisarnerit taamaattut. Allakkerivimmik ingerlatsisut tamanna pissutigalugu aningaasartuutikillisaanerit arlallit ingerlattarpaat.
– Illoqarfinni qulingiluani aningaaseriveqarnermik sullissinerup unitsinnerata kingunerissavaa, TelePostip ajoraluartumik sulisuni 15-it missaat juunip 30-ani 2010 inuulluaqqusariaqassammagit - taakkulu soraasitaasussat Tele-Posteqarfinni qulingiluani eqqartorneqartuneersuupput, TelePost paasissutissiivoq.