Timersorneq unammineq qiimanaq

Det bliver en af de helt store weekender indenfor sportsverdenen.

Sapaatip akunnerata naanerani una timersornerup silarsuaani pisussarpassuaqarpoq.

Nunarsuarmi sisoraatinik oqilaniunnerit sakkortunersaat, Arctic Circle Race, ullaap tungaa Sisimiuni aallartinneqarpoq, sisorartartut 139t peqataaffigisaat. Unammersuarneq ullut pingasut ingerlaarfeqartoq sapaammi naammassissaaq.

Nuummi angutit illup iluani arsamik pissartanngorniupput. Tassani holdit 29t peqataapput - holdit marluk piffissaq kingullerpiaq peqataasinnaanatik nalunaarnerisa kingorna. Tallimanngornermi arfininngornermilu Inussivimmi aamma Timersortarfissuarmi arsartoqassaaq, sapaammi pissartanngorniutivinneq Inussivimmi ingerlassaaq.

Ilulissani aamma illup iluani arsamik pissartanngorniuttoqarpoq, taamaani arnat. Pissartanngorniunneq unnugu timersortarfimmi arfinermut aallartissaaq. Sapaammi pissartanngorniutivinnerit pissallutik. Holdit 19t peqataapput puljani sisamani. Puljat taakku imaapput:

• Pulje 1: I-69 1, N-48 2, KB-84, Inussuk 2002, aamma UB-83.
  
• Pulje 2: B-67 1, B-67 2, UB-68, Disko-76, aamma NBK-88.
  
• Pulje 3: NÛK 1, I-69 2, FC Sisimiut, Kugsak.45, aamma K-33.
  
• Pulje 4: NÛK 2, N-48 1, Siuteroq, aamma T-41.

Aamma taaneqassaaq nunatta assammik arsartartutui angutit, sapaatip akunnerani uani katersuupput. Nunatsinnit aamma Danmarkimit ataaseq.