Tour de France KNR-TV-mi
Soqutiginnittunut sapaatiuppat ullaakkumiit tv-kut sikkilernissaarsuaq Tour de France aallakaatinneqassaaq.
Isikkamik arsaaluni VM suli naammassinngilaq, arsaannermimmi soqutigisallit suli VM-imi semifinalernissamut anngunniunnerit isiginnaarsinnaavaat. Ualimut Spanien aamma Raraguay nalunaatugaq 16.30 unammissapput. Malunngornermi semifinali aallartissaaq sapaatip akunnerata tulliani sapaatiuppat ajugaaniutivittoqassalluni.
Timersornermili pisussaq annertooq alla aallartinneqarpoq. Tassalu sikkilernissaarsuaq Tour de France, ullumi 8,9 kilometerertoqarneranik Rotterdamimi Hollandimiittumi aallartittoq.
KNR-TV -p Tour de France aqagumiit sapaammiit aallakaatissavaa naggataarnissap juulip 24-ata tungaanut.
- Aallakaatitsinerit ullaap tungaani qulit missaani aallartittassapput akunnernik pingasunik sivisutigalutik. Unukkullu Tour-studiamiit aamma aallakaatitsisoqartassaaq, knr.gl allappoq.