U-15-it GM-qarneranni GSS siuartuuvoq
Assammik arsarnermi U-15-it GM-qarneranni nukappiaqqani niviarsiaqqanilu GSS ingerlalluarpoq.
Ilimanarluarpoq niviarsiaqqani nukappiaqqanilu GSS Nuummeersoq aamma SAK Sisimiuneersoq finale-mi unammiumaarput U-15-it assammik arsarlutik GM-qarneranni. Niviarsiaqqalli semifinale-t sisamanngornermi ingerlatereerpatigit paasinarsilluarumaarpoq kikkut finale-mut anngutissanersut.
Marlunngornermi ualikkut GSS Sulloq 94-imut Uummannameersumut ajugaavoq 30-14-mik, tassanilu oqaatigisariaqarpoq nikingassut annertoqisoq. SAK Sisimiuneersoq aamma marlunngornermi april-ip aallaqqaataani ajugaarujussuarmi NÛK Nuummeersoq 23-5-mik ajorsartillugu.
Aajuku niviarsissat marlunngorneq april-ip aallaqqaataani angusaat:
Kâgssagssuk - SAK 10 - 22 (04 - 12)
NÛK - N-48 13 - 17 (06 - 09)
GSS - Sulloq 94 30 - 14 (14 - 11)
Nagtoralik- Kâgssagssuk 14 - 14(07 - 08)
SAK - NÛK23 - 5 (11 - 01)
Sulloq 94 -Nagtoralik 29 - 12 (13 - 07)
Nukappiaqqat
Nukappiaqqat U-15-it Paamiuni GM-qarneranni GSS pissartanngortussatut ilimagisaavoq. Inissitsiternerillu allassimaffiat allannguuteqangaanngilaq marlunngorneq april-ip aallaqqaataa unamminerit ingerlanneqareersut. Suli ilimanarluarpoq GSS aamma SAK Sisimiuneersoq finale-mi unammissasut. Nukappissani inissilluarnerit marluk finale-mi unammissapput.
GSS marlunngornermi ajugaarujussuaqqippoq Kâgssagssuk Maniitsumeersoq 31-22-mik ajugaaffigalugu. SAK aamma ajugaavoq NÛK Nuummeersoq 16-11-mik ajugaaffigalugu.
Aajuku nukappiaqqat angusaat marlunngorneq april-ip aallaqqaataani:
SAK – NûK 16 – 11 (05-02)
GSS – Kâgssagssuk 31 – 22 (16-10)
Nagdlúnguak – Nagtoralik 18 – 24 (12-10)
QNQ – NûK 24 – 27 (10-14)
SAK – GSS 25 – 36 (13-18)