U-21-t unammeqqaarnerminni ajugaapput
Kalaallit Nunaanni Arsartartut Kattuffiata nunanut allanut unammisartui U-21-t siullermik unamminerminni 3-0-imik ajugaapput, unammisaralugit serie 3-imeersut Voersaa.
Annonse
Unammineq Frederikshavnimi sungiusarluni katersuunnermi pivoq.
Nunanut allanut unammisartunut siungiusaasoq René Olsen naapertorlugu nunatta unammisartui kusanavissunik isertitsillutik arsarluarsimapput. Isertitsisut tassapput Qillaq Banemann (straffemi), John Luvig Broberg aamma Mike Meith.
Pingaartumik qeqqani arsaattartut John Luvig broberg aamma Malik Petersen arsarluarsimasut sungiusaasoq naliliivoq.
Unammisartut katersuunnerminni ullormut marloriarlutik sungiusartarput arfiningornermilu ilaatigut FFI-mut (Frederikshavn Forenede Idrætsklubber) serie 2 aamma 3-mut unammissallutik.
Unammisartut kalaallinit Danmarkimi ilinniartunit inuttaqarput, inuusuttut ilaatigut sportcollege-mi ilinniartuullutillu efterskoleni atuartuupput.