Ukiut tallimassaat ajugaapput
Kangillinnguit Atuarfiat atuartut arsaatsinneqarneranni Torrammi Nuummi ingerlanneqarmat ajugaaqqipput.
Tallimanngornermi ualikkut straffemik isertitseriarnerit ingerlannerisa kingorna kikkut ajugaanersut paasinarsivoq.
Arsaqatigiiaat Kangillinnguit Atuarfiannit, Nuussuup Atuarfiannit og Ukaliusamillu finalimi tamarmik assigiimmik pointeqarmata taamaammat unammersuarneq straffeqattaartitsinermik naggaseqqaarlugu ajugaaniutivittoqarpoq.
Nuuk Internationale Friskole siullermeerluni finalimi ajugaasoqarpoq, tassa nukappiaqqat 4. klassimeersut ajugaammata.
Atuartut 700-t sinneqartut ukiakkut atuanngiffeqarnermi arsaalluni unammiuaarnerni peqataapput.
Sineriammi
Illoqarfinnili allani aamma arsamik unammiuaartoqarpoq.
Atuarfiit arsaattarnerat Torammik taaguuteqartoq Upernavimmi Uummannamilu aamma ingerlanneqartalerpoq.
Torrak 09 ukunani ingerlanneqassaaq:
Ammassalik: Tasiilami Alivarpik 4.-7. klasse 13. oktober aamma 8.-11. klasse 16. oktober.
Maniitsoq: Atuarfik Kilaaseeraq 17. oktober.
Ilulissat: Atuarfik Jørgen Brønlund 9. november. Atuarfik Mathias Storch aamma peqataavoq sulili ulluliisoqanngilaq.