Ullormi ataatsimi unamminerit 100-t
Badminton-imi GM-i timmisartut kinguaattoornerannit allanngortinneqarpoq.
Badminton-imi GM-eqataasussat nunatta kujataaneersut marlunngormat unnukkut Nuummut tikittut sukangasumik programeqarput. Taamaakkaluartoq marlunngornermi Nuup Timersortarfissuani pissartanngorniunnerit ammarneqarmata unamminerit 100-it ingerlanneqarput.
Aallarnersaatigalugu unammisaqattaarnerit ingerlanneqarput. Siornatigut nunatsinni pisartaasarsimasoq Mininnguaq Kleist unamminermini siullerni marlunni ajugaasoq takummaaneqarpoq.
Unammisaqattaarnerit naatsorsuutigisatut aallartinneqarput, angutini pikkorinerpaatut inissitat siullermik unamminerminni ajugaasarlutik. Ilaatigut pineqarput, pissartaanerminik illersuisoq Frederik Elsner, Bror Madsen, Asa Kleist, Mininnguaq Kleist.
Arnani inersimasuni pikkorinnerit aamma aallartilluarput, taakkunani pissartaanerminik illersuisut Mille Kongstad aamma Aviaaja Geilser, Pilunnguaq Cheminitz pineqarlutik.
Aamma taaneqassaaq unammisartutoqqat Albrecht Damgaard aamma Albertine Filemonsen inersimasuni suli ingerlalluarmata.
Ullormi siullermi unamminermi angusat uani taperpia-tungaani toorlugit download-ersinnaavatit.