Unnerluussut: USA-p nunarput Assammik Arsarluni VM-imit anisinniarpaa
Kalaallit Nunaanni Assammik Arsartartut Kattuffiata USA unnerluutigaa kalaallit nunanut allanut unammisartuinik Det pan-amerikanske Håndbod Forbundimit anisitsiniarnerarlugu. Tamanna pissppat nunarput VM-imi peqataasarunnaassaaq.
Nunatsinni assammik arsartartut kattuffiat naapertorlugu pilersaarutit panamerikanske forbundimit tapersersorneqarput.
- Isumaqarpunga pisortat ilaat narrujuummersimasut. Kingullermik Kalaallit Nunaannit ajorsartinneqarput, Jens Brinch, Kalaallit Nunaanni Timersoqatigiit Kattuffianni nunanut tamalaanut siunnersortaasoq, TV2 Sportenimut oqarpoq.
Jens Brinch naapertorlugu ajornartorsiut tassaavoq nunanut allanut unammisartup Jakob Andreassen kalaallinik assammik arsartartunik iluatsitsivallaartarnerujussua.
- Soorunami pakatsissutigaat nr. 3-ngunnginnamik VM-imut anngussutaasumik. Tamanna siunissami pinngitsoorusuppaat, Jakob Andreaassen TV2 Sportenimut oqarpoq.
Kalaallit Nunaanni Assammik Arsartartut Kattuffiata maanna pilersaarutit Det Internationale Håndbold Forbundimut maalaarutiginiarpai.