Video: Sisoraatinik oqilaniuttartut dronningiat
Niviaq Chemnitz Berthelsen sisorrarissorsuuvoq - ajugaaffigiuminaalluni. Taassuma maanna OL aamma VM peqataaffiginissaat angunialerpaa
Sisoraatinik oqilaniuttartut dronningiat Niviaq Chemnitz Berthelsen Nuummeersoq, ukioq manna Aasianni sisoraatinik oqilaniunnermi pissartanngorniunnermi ajugaaffigisinnaasat tamakkerpai. Aamma nunarsuarmi sisoraatinik oqilaniunnerit sakkortunersaanni Arctic Circle Racemi anguneqarsinnaanani ajugaaqqammerpoq.
Ingerlaarfiit katinneranni siullerpaajuvoq - tullersortiminit Sverigemeersumit minutsinik 21'nik sukkanerulluni.
Niviaq Chemnitz Berthelsen, Norgemi ukiut kingulliit arfinillit najugaqarlunilu sisorarnermik aallussisisoq, Canadami AWG peqataaffigereerlugu nunatsinniillatsiarpoq.
Nunani allani ukiuni arlalinni najugaqarnermini piffissaq sungiusarnermut atukkani annertusiartorsimavaa. OL aamma VM peqataaffiginissai anguniarpaa. Aasianni GM'imut peqataaneranut atatillugu apersorneqarnera takujuk.
Inernerit uani takusinnaavatit.