assammik arsarneq
Video takuuk: Rina aamma Hadsten unamminermi pissanganartumi ajugaasut
Malmandi Rina Møller Lorentzen timersoqatigiiffialu Hadsten Danmarkimi assammik arsarnermi 1. divisionianni ajungaareernermi kingorna inissisimasinnarput pingajuattut
Rina Møller Lorentzen aamma Hadsten Sports Klub Danmarkimi assammik arsarnermi 1. divisionimi ingerlalluarput.
Hadstenip Virum Sorgenfri Håndboldklubimi unamminerminni 21-23-mik ajugaapput.
Sungiusaasuat panissaarnini pissutigalugu peqataanngilaq, sungiusaasullu ikiortaa misilitsittussaanini pissutigalugu aamma unamminermi peqataanani.
Unamminermi Hadsten Sports Klub målinik arfineq marlunnik siuaqqagaluarpoq.
- Immikkoortup aappaani pikkorinnersagut paarineqarnerulerput. Saassussinermi illersuinermilu arsarluarunnaarpugut. Minutsit tallimat kiserngoruttut 20-20-qqalluta naligiipput. Unamminerup naammassilernerani marlunnik annaasivunga kiisalu aamma straffemik annaasiilunga. Straffimi tassani niaqukkut eqqortippunga, unamminermi 21-riarluni annaassisoq Rina Møller Lorentzen Sermitsiaq.AG-mut oqaluttuarpoq.
Miakkunnut tulliani unammissapput
Unamminermi immikkoortumi siullermi marloriarluni niaqqumigut eqqorneqarpoq, taamaasilluni unamminermi pingasoriarluni niaqqumigut eqqorneqarluni.
Ajugaareernermi kingorna 1. divisionimi pingajuattut suli inissisimapput.
Hadsten Sports Klub sapaatiuppat tulliani unammissaaq. Tassani Mia Egede Rasmussenikkut Lyngby Håndbold unammissallugit.
Video qulaani takuneqarsinnaavoq