Aaja: Timersortartut Europami aallaasinut atuinissamut allagartaqartinneqartariaqarput
Kalaallit ooqattaasartartut Europami unamminernut aallaasitik nassarsinnaasanngilaat. IA sinnerlugu Folketingimut ilaasortap Aaja Chemnitzip tamanna allanngortikkusuppaa.
Ukaleq Slettemark ooqattaasarluni sisorarnermi unammeqataasoq.
Toqqorsivimmit assiliartaq: Kalaallit Nunaanni Biathlonertartut Kattuffiat
Aaja Chemnitzip inatsisinik atortitsinermut ministeri Peter Hummelgaard pissutsinut immikkorluinnaq ittunut, ooqattaasarnermi sisoraatinik oqilaniuttarnernut tunngasunut, kalaallit peqataasut unammillertiminnut allanut naleqqiullugit ullumikkut ajornartorsiungaarfiannut, maanna ilannguppaa.
Ullumikkut kalaallit timersortartut Europami unammiuaarnernut aallaasiminnik nassarsinnaasanngillat, Europami aallaasinik atuinissamut allagartaqannginnertik pissutigalugu, Aaja Chemnitz nassuiaavoq.
- Kalaallit innuttaasut Europami aallaasinik atuinissamut allagartaqarnissaat ministerip ajornarunnaarsarniarnerpaa, taamaalillutik qallunaat timersortartut assigalugit nunat tamalaat unammiuaarnerinut peqataasinnaaniassammata, Aaja Chemnitz Danmarkimi inatsisinik atortitsinermut ministerimut taama apeqquteqarpoq.
