Angutit assammik arsartartut VM-imut anngunniunnissamut piareerput
Maajip arfernani angutit assammik arsarlutik nunanut allanut unammisartut Mexico Citymi VM-imut anngunniunnermi siullermeerlutik unammissapput.
2018-imi angutit nunanut allanut unammisartut VM-imut anngunniunnermi Nuummi angerlarsimaffimminni unammipput anngutinngitsoorlutillu.
Leiff Josefsen
Siorna
ukiakkut Norgemi nunarsuarmi pissartanngorniunnermi arnat assammik
arsarlutik nunanut allanut unammisartut nuannaarlutik peqataapput.
Maajip
arfernanniit aqqaneq-aappaanut angutit nunanut allanut unammisartut
arnat ilaarniarniarpaat VM-imut anngunniunnermi
ajugaasinnaaniassagamik taamaalillutillu 2025-mi nunarsuarmi
pissartanngorniunnissamut Kroatiami, Danmarkimi Norgemilu pisussamut
anngunniassallutik.
Assammik
arsartartut kattuffiat TAAK nunat anngunniunnissamut peqataasussat
makkuusut Facebookimi allappoq: Canada, Cuba, Kalaallit Nunaat,
Mexico, Puerto Rico aamma USA.
Unamminerni
nunat tamarmik imminnut ataasiarlutik naapissapput,
point-eqarnerpaallu marluk pissartanngorniutivinnermi naapissallutik.
Anngunniunnermi NACHC-mi pissartanngortut nunarsuatsinni 2025-mi
pissartanngorniunnissamut kisimik anngutissapput, TAAK nassuiaavoq.
Kalaallit
Nunaata unamminissai imatut inissipput:
Ataasinngorneq
6. maj nal. 21.00 (nunatta nalunaaqutaa): Kalaallit Nunaat – Canada
Marlunngorneq 7. maj nal. 23.00 (nunatta nalunaaqutaa): Mexico –
Kalaallit Nunaat Pingasunngorneq 8. maj nal. 21.00 (nunatta
nalunaaqutaa): Kalaallit Nunaat – Cuba Sisamanngorneq 9. maj –
qasuersaarfik
Tallimanngorneq
10. maj nal. 19.00 (nunatta nalunaaqutaa): Kalaallit Nunaat –
Puerto Rico
Arfininngorneq
11. maj nal. 21.00 (nunatta nalunaaqutaa): USA - Kalaallit Nunaat
Sapaat 12. maj Nal. 18.00 (nunatta nalunaaqutaa): 5-inngorniunneq
Nal. 20.00 (nunatta nalunaaqutaa): Bronze Nal. 22.00 (nunatta
nalunaaqutaa): Finale
Unammisaqattaarnerit
KNR TV-kkut toqqaannartumik isiginnaarneqarsinnaapput
Kalaallit
Nunaat sinnerlugu unammisussat: 1. Isak Olsen - GSS 4. Angutimmarik
Kreutzmann - NûK 5. Sebastian Jensen - Ikast FS 6. Archibald Lennert
- SAK 7. Lars Ole Lyberth - GSS 9. Inuujuk Ostermann-Søholm - GSS
10. Miki Aqqaala Heilmann - GSS 11. Kâle Fleischer - GSS 12. Suersaq
Bohm Nathanielsen - N-48 13. Malik Frederiksen - GSS 14. Kuutak
Kristiansen Olsen - GSS 15. Noah John Davidsen - NûK 17. Akutaaneq
Kreutzmann - N-48 19. Malik Kleist Andersen - NûK 30. Pele Lynge -
GSS 33. Minik Dahl-Høegh - AMO HK 44. Knud Clasen Skifte - N-48
Nunanut
allanut unammisartuni sungiusaasoq: Johannes Groth Sungiusaasutut
ikiorti: Josef Chemnitz Frederiksen Tagiartuisoq: Berit Duus
Angalanermi akisussaasoq: Kurt Lauritsen