KL

DK

ARNAT INUUSUTTUT ASSAMMIK ARSARLUTIK NUNANUT ALLANUT UNAMMISARTUT U19

Arnat inuusuttut VM-imut anngunniunnissamut piareerput

Arnat inuusuttut assammik arsarlutik nunanut allanut unammisartut U19-it aqagu pingasunngornermi 16. juli Canadami anngunniullutik aallartissapput. Unammineq siulleq pissaaq nalunaaqutarput malillugu 19.00. Tassani unammeqqaassavaat Saint Kitts and Nevis.

Jensine Berthelsen
TUSagassiortoq
Saqqummersinneqarpoq

Maanna piareerput U19 arnat assammik arsarlutik nunanut allanut unammisartut. Taakku Canadamiipput sungiusarluarnerillu arlallit ingerlappaat maannakkullu nunanut allanut unammisartuni sungiusaasoq Victoria Budek Svendsen naapertorlugu unamminissamut piareersimallutik, unamminerillu aqagu aallartissapput,  Timersoqatigiit assammik arsartartut kattuffiat (Grønlands håndboldforbund TAAK) tusagassiuutitigut taamak nalunaaruteqarpoq.

Unamminissat sioqqullugit sungiusarluarput

Sapaatip akunnera kingullerli Canada-mi katersuuppugut, Drummondville-mullu tikilluaqaagut, nunanut allanut unammisartuni sungiusaasoq Victoria Budek Svendsen oqaluttuarpoq, nangillunilu:

- Sungiusarnerit iluatsilluartut arlallit sungiusarpagut, kiassuarmullu sungiussiniaqqaarluta, kiisalu arsat harpiks-eqanngitsut sungiunniaqqaarlugit,  Unamminerit aqagu pingasunngornermi aallartissaput, unammeqqaagassagullu tassaallutik Saint Kitts and Nevis. Aallartinnissatsinnut qilanaaqaagut arsaqatigiittullu misilittagaqarluarnissatsinnut qilanaarluta. Arsartut akornanni silaannaq nuanneqaaq arnartagullu soorlu piareerpasittut.

Unamminernik malinnaanissamut periarfissarpassuit

TAAK-ip arnat inuusuttut unamminerinut malinnaanissamut periarfissaqarluartitsivoq. 

International Handball Federation-ip youtube-kanali saniatigut, TAAK-ip aamma qulakkeerpaa arnat peqataasut pillugit IHF Trophy U19-mi malinnaaffigisinnaallugillu sukumiinerusumik paasisaqarfigineqarsinnaasut assammik arsartartut kattuffiata nittartagaani, tassani aamma unamminerit inerneri takuneqarsinnaajumaarput.

Women's IHF Trophy North America aamma Caribbean — Junior unammisaqattaarnissanut pilersaarutit
(Tamarmik nunatta nalunaaqutaa malillugu nalunaarsorsimapput)

Pingasunngorneq 16. juuli 2025 

Kl. 19.00: Kalaallit Nunaat - Saint Kitts aamma Nevis 

Kl. 21.00: Mexico - USA 

Kl. 23.00: Puerto Rico - Canada

Sisamanngorneq 17. juuli 2025 

Kl. 19.00: Puerto Rico - USA 

Kl. 21.00: Kalaallit Nunaat - Mexico 

Kl. 23.00: Saint Kitts aamma Nevis - Canada

Tallimanngorneq 18. juuli 2025 

Kl. 19.00: Mexico - Saint Kitts aamma Nevis 

Kl. 21.00: Puerto Rico - Kalaallit Nunaat 

Kl. 23.00: USA - Canada

Arfininngorneq 19. juuli 2025

Kl. 17.00: USA - Kalaallit Nunaat 

Kl. 19.00: Saint Kitts aamma Nevis - Puerto Rico

Kl. 21.00: Canada - Mexico

Sapaat 20. juuli 2025 

Kl. 17.00: Mexico - Puerto Rico 

Kl. 19.00: USA - Saint Kitts aamma Nevis 

Kl. 21.00: Canada - Kalaallit Nunaat

taak timersorneq canada ihf trophy u19 arnat assammik arsartartut

Atorfiit tamaasa takukkit

– Se alle jobs

Powered by Labrador CMS