Arnat nunanut allanut unammisartut siullerpaamik nunani allani pisortatigoortumik unammiarput

Arnat nunanut allanut unammisartut sapaatip-akunnerani uani Kroatiamiipput Futsal Weekimut peqataallutik. Futsalimi arnat nunanut allanut unammisartut siullerpaamik nunani allani pisortatigoortumik unammeqataapput, nunat arfinillit peqataaffigisaanni. Arfininngornermi Marokko unammissavaat.

Unammisartut marlunngornermi Arnaq B. Egede unamminermi takutitsilluartutut toqqarpaat.

Oqaluttuarisaanermi siullerpaamik Kalaallit Nunaata arnartaasa futsalimi nunanut allanut unammisartui futsalimi nunat allat unammiuaarneranni peqataapput. Unammisartut Kroatiamiipput Futsal Week Croatiami peqataallutik. Futsal Weekimi nunat arfinillit unammipput.

Maanna tullinnguuppoq Marokko

Arfininngornermi juunip 15-iani nunanut allanut unammisartut Marokkomut unammissapput.

Nunanut allanut unamminermi unammeqqaarneq marlunngornermi pivoq, tassani Kalaallit Nunaat Polenimut naapipput. Unamminermi Polen 1-12-imik ajugaavoq, taamaattoq unammineq nuannersutut kalaallinit misigineqarpoq. Nunanut allanut unammisartut Arnaq B. Egede unamminermi takutitsilluarnerpaatut toqqarpaat.

Italiamut unammineq

Pingasunngornermi Kalaallit Nunaat Italiamut naapipput, tassanilu 13-0-omik ajorsarlutik.

Arfininngornermi Marokkomut unamminermi Kalaallit Nunaata arnartaasa nunanut allanut unammisartut Futsal Week-imi inissinniuuffigissavaat. Tassani normu 5-inngorniunneq ingerlanneqassaaq.

Powered by Labrador CMS