Arnat U18-it nunanut allanut unammisartut VM-imut piareersartut
Kalaallit Nunaanni assammik arsartartut inuusuttut arnat U18-it, arnat inuusuttut assammik arsarlutik nunarsuarmi pissartanngorniunnissaannut piareersarlutik ulluni makkunani Nuummi katersuupput.
Assammik arsarluni VM-imut arnat inersimasut kisimik peqataassanngillat.
Arnat U18-it nunanut allanut unammisartut, 2023-p naanerani VM-imut annguttut, aggustimi Kinami nunarsuarmi pissartanngorniunnissamut piareersarlutik ulluni makkunani Nuummi katersuupput.
Arnat U18-it nunanut allanut unammisartut Nuummi maajip arfineq-aappaanit 15-ianut katersuupput, katersuullunilu sungiusarnermi unammisartunik 19-inik aggersaasoqarpoq.
Nunamini unammisoq puljeqatigissagaa
Arnat U18-it assammik arsarlutik nunarsuarmi pissartanngorniunnissaat ukioq manna aggustip 14-ianit 25-anut Chuzhoumi Kinamiittumi ingerlanneqassaaq.
Tassani Kalaallit Nunaat pulje E-mut inissippoq, taamaalillunilu nunamini unammisoq Kina unammisussanngorpaa, aamma Danmark kiisalu Kinamiut Thaipai.
Katersuulluni sungiusarnermi peqataasut ukuupput:
- Jaliina Lund Jakobsen, GSS
- Najaaraq Heilmann, GSS
- Hannah S. Petersen, GSS
- Malu Steenholdt, Silkeborg
- Nadia Lundblad, GSS
- Ivaana Lennert Petersen, GSS
- Kira Brandt Petersen, GSS
- Paarma Kreutzmann, GSS
- Amáunalik Møller, SAK
- Niviaq Skifte Knudsen, GSS
- Ulla Johansen, SAK
- Arnannguaq Berthelsen, SAK
- Hannah Nielsen Kleist, SAK
- Bea Jensen, GSS
- Tukummeq Berthelsen, Ikast
- Najaaja Rossen Petersen, GSS
- Kulunnguaq Kleist, Grindsted
- Pilunnguaq Olsen Petersen, FIF
- Madeline Bjørnestad, Furesø
