KL

DK

Arnat U19-it VM-imut anngutinngeqqalaartut

Arnat U19-it assammik arsarlutik nunarsuarmi pissartanngorniunnissamut anngunniunnermi Canadamut ippassaq unammigamik normu 3-nngorput. Taamaasillutik U19-it arnat assammik arsartartut nunarsuarmi pissartanngorniunnissaannut ukiaru pisussamut anngutinngitsoorput.

Canadamut unamminermi 28-23-mik ajorsarput.
KASSAALUK KRISTENSEN
KASSAALUK KRISTENSEN Digitalredaktøri
Saqqummersinneqarpoq

Kalaallit arnat assammik arsartartut U19-it Canadamut ippassaq unamminerminni 28-23-mik ajorsarput. Taamaalillutik ukiaru VM-ertoqarnissaanut anngutinngitsoorlutik.

Unamminerup immikkoortuani siullermi unammisut naligiilluinnarput. Immikkoortup naanerani Kalaallit Nunaat 13-14-imik siuaqqavoq.

Kalaallit U19-it unamminerup immikkoortuata aappaani ingerlanerliulermata unammisaat akiuullualerput.

Anngunniunnerni angusarissaarnerpaat marluk VM-imut ukiaru pisussamut anngupput.

Mexico Puerto Ricomut ippassaq ualikkut ajorsarmat Kalaallit Nunaat U19-ini VM-imut anngunnissamut periarfissaqaleraluarpoq. Kalaallit Nunaata Canada ajugaaffigalugu normu 2-nngorsimagaluaruni.

Eqqaaneqareersutut unamminermi matumani iluatsitsinngilaq, Canadamiullu 28-23-mik ajugaallutik.

vm-imut anngunniunneq taak timersorneq u19 arnat assammik arsarlutik

Atorfiit tamaasa takukkit

– Se alle jobs

Powered by Labrador CMS