SILAMI ARSAANNERMI ANGUTIT UTOQQASAAT PISSARTANNGORNIUNNERAT 2025
B-67 oldboys Nuummeersut nunatsinni pissartanngorput
B-67 Nuummiit ajugaapput angutit utoqqasaat silami arsarlutik nunatsinni pissartanngorniunneranni. Tullersortitut inissipput N-85 NUA Narsameersut.
Aaku angutit utoqqasaat silami arsaallutik pissartanngorniunneranni 2025-mi pissartanngortut. B-67-ip N-85 NUA 2-1-imik ippassaq unamminermi pissanganaqisumi ajugaaffigaa, taamaalillunilu B-67 nunatsinni pissartanngorput.
Asseq: GSS
Ukioq manna Kalaallit Nunaanni pissartanngorniunneq angutini utoqqasaani silami arsarnermi pissartanngorniunneq naammassineqarpoq. Finalemi B-67 Nuummeersut N-85 NUA Narsameersut ajugaaffigaat 2-1-imik.
N-85 NUA Narsaqimeersoq sølvinnappoq.
Asseq: GSS
NÛK 2 Nuummeersut SAK Sisimiuneersut bronzennanniunnermi unammivaat 3-0-imik ajugaaffigalugit, taamaalillutillu bronzinnapput.
Asseq: GSS
Henning Olesen ukioq manna arsallammanngorpoq
Ukioq manna Oldboys-ini silami arsarnermi GM-imi peqataasut unammisartut imminnut toqqarpaat kikkut immikkut maluginiarneqarsimanersut.
Henning Olesen N-85 NUA, Narsameersoq, ukioq manna teknikeritut aammalu arsartartunngortillugu ataatsimoorussamik toqqarpaat.
- Ukioq manna arsalerillammak: Henning Olesen, N-85 NUA, Narsaq
- Ukioq manna akiuutillammak: Laban Berthelsen, S-68 Sisimiut
- Ukioq manna arsallammak: Henning Olesen, N-85 NUA, Narsaq
Aappagu 2026-mi angutit utoqqasaat silami arsartartut nunatsinni pissartanngorniunnerat Narsami ingerlanneqassaaq.
