Ice Trawl Halvmarathon 2025 iluatsilluartoq
Inuit 100-t missaat ukioq manna Ice Trawlip Sisimiuni marathonip affanik arpatsitsinerani aallartarfimmi piareersimapput.
Arpattarnermik misilittagaqarluartut aallarterlaallu arpaqataapput.
Foto: SSP Arpattartut
Sapaatiummat Ice Trawlip Sisimiuni marathonip affanik arpatsitsivoq. Arpanneq SSP Arpattartut aaqqissugaraa.
Peqataasut 100-t angullugit amerlassusillit 5 kilometerimik, 10,5 kilometerimik 21,1 kilometerimilluunniit isortartussusilimmi arpattussaapput.
Taama SSP Arpattartut tusagassiuutinut nalunaarummi allappoq.
MARATHONIP AFFAANI 2025-MI AJUGAASUT
Angutit:
1. Pilutaq Berthelsen – 1t 25min 05sek
2. Rasmus Weibull – 1t 27min 32sek
3. Anton Abrahamsen – 1t 29min 25sek
4. Christian Amtoft – 1t 36min 00sek
5. Christian Askholm – 1t 42min 26sek
Arnat:
1. Emma Gram – 1t 27min 05sek
2. Stine Marie Sejersen – 1t 45min 38sek
3. Rikke Niebuhr – 1t 51min 43sek
4. Antoinette Gustave-Nielsen – 1t 56min 17sek
5. Ajaaja Bech Jørgensen – 2t 00min 25sek
Arpattarnermik misilittagaqarluartut aallarterlaallu arpaqataapput. Arpaffimmi imerfiliisoqarpoq, aqqutissamik ilitsersuuteqarluni, isumannaallisaasoqarluni isiginnaartunillu nillerrattartoqarluni.
Piumassutsiminnik aaqqissueqataasut amerlasuut arpannermik aaqqissuipput, SSP Arpattartullu piffimmit annertuumik tapersersuineq qujamasuutigaat.
Taamattaaq aningaasaliisunut, akissarsiassanik tapiisunut ajugaasunillu nersueqataasunut qujassuteqartoqarpoq.
- Ice Trawl Halvmarathon 2025 qanoq timersornerup inunnik kateritsitsillunilu puigunaatsunik misigisaqartitsisarnernik takutitseqqippoq. Aappaagu arpannissaq qilanaarineqalereersoq, SSP Arpattartut allapput.
